Manqabat
Teri aamad hai maut aayi hai
تیری آمد ہے موت آئی ہے
Urdu Kalam
مطلع
تیری آمد ہے موت آئی ہے
جانِ عیسیٰ تیری دُہائی ہے
کیوں وطن اپنا چھوڑ آئی ہے
کیوں سفر کی بلا اُٹھائی ہے
سیکڑوں آفتوں میں پھنسنے کو
کیوں بدن میں یہ جان آئی ہے
اُن کے جلوے ہیں میری آنکھوں میں
اچھی ساعت سے موت آئی ہے
تم کو دیکھا تو دَم میں دَم آیا
آپ آئے کہ جان آئی ہے
مر رہا تھا تم آئے جی اُٹھا
موت کیا آئی جان آئی ہے
اب تو آؤ کہ دم لبوں پر ہے
چہرے پر مردنی بھی چھائی ہے
آئیے وقت ہے یہ آنے کا
دیکھ لیں سب کی جاں پھر آئی ہے
زندگی میں نے پائی مر مر کے
میں نے جی جی کے موت پائی ہے
زندگی کیا تھی جس میں موت آئی
زندگی بعدِ مرگ پائی ہے
موت کا اب نہیں ذرا کھٹکا
زندگی ُشبھ گھڑی سے پائی ہے
مرتے ہی زندگی ملی مجھ کو
موت کے ساتھ جان آئی ہے
حسرتِ دِیدِ یار میں ہم نے
آج مر مر کے موت پائی ہے
جو حسیں دیکھا مر مٹا اس پر
میں نے مر کے حیات پائی ہے
چین کی نیند آج سویا ہوں
موت آرام کی سلائی ہے
شامتوں نے تمہاری گھیرا ہے
موت تم کو یہاں پہ لائی ہے
ذَبح کر ڈالا تو نے او ظالم
نفس تو تو نرا قصائی ہے
طاعتِ حق کا نام سنتے ہی
تجھ کو کم بخت موت آئی ہے
معصیت زہر ہے مگر اوندھے
تو نے سمجھا اسے مٹھائی ہے
کیا بگاڑا تھا تیرا کیوں بگڑا
زہر کی پیالی کیوں پلائی ہے
اچھے جو کام کرنے ہیں کرلو
جان اپنی نہیں پرائی ہے
نوریؔ ہرگز نہیں ہے تو ناری
موتِ اسلام تو نے پائی ہے
مقطع
واہ کیا بات آپ کی نوریؔ
کیا ہی اچھی غزل سنائی ہے
Kalam Details
Bahr
Bahr-e-Muzare Musamman Akhram Makfuf Mahzuf
Radif
ے
Total Ashaar
23
Total Misra
46
Writer
Al-Madinat-ul-Ilmiyah
Book
Saman-e-Bakhshish