Sarwar-e-Mursalan Aa Rahe Hain

Ba Sad Azmat o Izz o Shaan Aa Rahe Hain
Jilwa Mein Liye Qudsiyan Aa Rahe Hain

Shahanshah-e-Kaun o Makan Aa Rahe Hain
Yahi Zikr Hai Aaj Ek Ek Ghar Mein

Sitaron Mein Ghunchon Mein Gul Mein Gohar Mein
Yahi Dhoom Hai Har Taraf Bahr o Bar Mein

Mitane Ko Har Shar Libaas-e-Bashar Mein
Shahanshah-e-Kaun o Makan Aa Rahe Hain

Bujhe Kufr o Ilhaad Ke Sab Sharare
Larazta Hai Iblees Dahshat Ke Maare

Sahar Dam Yeh Karti Hain Kirnein Ishare
Khuda Ke Dulare Khudai Ke Pyare

Shahanshah Kaun o Makan Aa Rahe Hain
Ba Husn-e-Nubuwwat Ba Shaan-e-Risalat

Sarapa Tajalli Mujassam Inayat
Sahaab-e-Karam Salsabeel-e-Shafaat

Ba Sadr Rifat o Rahmat o Rushd o Raafat
Shahanshah-e-Kaun o Makan Aa Rahe Hain

Manazir Tajalli Ke Hain Kuch Ajab Se
Faza Jagmaga Kar Yeh Kahti Hai Sab Se

Munawwar Zameen Hogi Maah-e-Arab Se
Malaik Hain Saff Basta Har Su Adab Se

Shahanshah-e-Kaun o Makan Aa Rahe Hain
Zehe Khush Naseebi Zehe Kamgari

Chamakne Ko Hai Aaj Qismat Hamari
Nazar Muntazir Dil Fida Jaan Waari

Wo Aayi Wo Aayi Wo Aayi Sawari
Shahanshah-e-Kaun o Makan Aa Rahe Hain

Yeh Subh-e-Masarrat Hai Khushiyan Banao
Durood o Salaam Apne Honton Pe Lao

Muhammad Ke Jalwon Pe Qurban Jao
Adab Se Naseer Apni Apni Aankhein Jhukao