Hamd
Tera zuhoor hua chashm-e-noor ki raunaq
ترا ظہور ہوا چشم نور کی رونق
Urdu Kalam
مطلع
ترا ظہور ہوا چشم نور کی رونق
ترا ہی نور ہے بزمِ ظہور کی رونق
رہے نہ عفو میں پھر ایک ذَرَّہ شک باقی
جو اُن کی خاکِ قدم ہو قبور کی رونق
نہ فرش کا یہ تجمل نہ عرش کا یہ جمال
فقط ہے نور و ظہورِ حضور کی رونق
تمہارے نور سے روشن ہوئے زمین و فلک
یہی جمال ہے نزدیک و دُور کی رونق
زبانِ حال سے کہتے ہیں نقش پا اُن کے
ہمیں ہیں چہرۂ غلمان و حور کی رونق
تِرے نثار ترا ایک جلوۂ رنگیں
بہارِ جنت و حور و قصور کی رونق
ضیا زمین و فلک کی ہے جس تجلی سے
الٰہی ہو وہ دلِ ناصبور کی رونق
یہی فروغ تو زیب صفا و زینت ہے
یہی ہے حسن و تجلی و نور کی رونق
حضور تیرہ و تاریک ہے یہ پتھر دل
تجلّیوں سے ہوئی کوہِ طور کی رونق
سجی ہے جن سے شبستانِ عالم اِمکاں
وہی ہیں مجلس رَوزِ نشور کی رونق
کریں دلوں کو منور سراج کے جلوے
فروغِ بزمِ عوارِف ہو نور کی رونق
مقطع
دعا خدا سے غمِ عشقِ مصطفیٰ کی ہے
حسنؔ یہ غم ہے نشاط و سرور کی رونق
Kalam Details
Bahr
Bahr-e-Ramal Musamman Mahzuf
Radif
ق
Total Ashaar
12
Total Misra
24
Writer
Maulana Hasan Raza Khan
Book
Zauq-e-Naat
Topics
Ishq-e-Rasool