Hamd
Phir junoon kehta hai khud ko pa-ba-jolaan dekhiye
پھر جنوں کہتا ہے خود کو پابجولاں دیکھئے
Sadr-ul-Afazil Maulana Syed Muhammad Naeemuddin Muradabadi
Urdu Kalam
مطلع
پھر جنوں کہتا ہے خود کو پابجولاں دیکھئے
چلیے اُٹھیے اب کے پھر وحشت میں زِنداں دیکھئے
اپنے ہی سینہ میں کیجے اپنے دلبر کی تلاش
مصر میں کیا جائیے کیا چاہِ کنعاں دیکھئے
اَز رہِ بندہ نوازی چشم پُر انوار سے
دیکھئے میری طرف ختم رسولاں دیکھئے
دیکھئے سیمائے انور دیکھئے رُخ کی بہار
مہرِ تاباں دیکھئے ماہِ دَرخشاں دیکھئے
دیکھئے وہ عارض اور وہ زُلفِ ُمشکیں دیکھئے
صبحِ روشن دیکھئے شامِ غریباں دیکھئے
جلوہ فرما ہیں جبینِ پاک میں آیاتِ حق
مصحفِ رُخ دیکھئے تفسیرِ قرآں دیکھئے
مقطع
یہ نعیمِؔ زار کیسا ہجر میں بے تاب ہے
دیکھئے اس کی طرف اے شاہِ شاہاں دیکھئے
Kalam Details
Bahr
Bahr-e-Ramal Musamman Mahzoof
Radif
ے
Total Ashaar
7
Total Misra
14
Writer
Sadr-ul-Afazil Maulana Syed Muhammad Naeemuddin Muradabadi
Book
Riyaz-e-Naeem