Hamd
Ya ilahi baraye aal-e-rasool
یاالٰہی برائے آلِ رسول
Hujjat-ul-Islam Maulana Shah Muhammad Hamid Raza Khan Qadri Razvi Noori
Urdu Kalam
مطلع
یاالٰہی برائے آلِ رسول
دل میں بھردے وَلائے آلِ رسول
سوکھے دھانوں پہ بھی برس جائے
اَبرِ جود و سخائے آلِ رسول
سر سے قربان تجھ پہ آنکھوں سے
آنکھیں سرسے فدائے آل رسول
سَحَقِ نعلین رگڑا آنکھوں کا
طوطِیا خاکپائے آل رسول
میری بگڑی بنی ہے تیرے ہاتھ
تو ہی بگڑی بنائے آل رسول
تجھ سے جس کو ملا ملے پیارے
تجھ سے جوپائے پائے آل رسول
تیزیٔ مِہرِ حشر کا کیا خوف
میں ہوں زیر لوائے آل رسول
بادشاہ ہیں گدا تِرے در کے
ہوں گدائے گدائے آل رسول
تاج والوں کا تاجِ عزت ہے
کہنہ نعلین پائے آل رسول
ٹھنڈی ٹھنڈی نسیمِ مارہرہ
دل کی کلیاں کھلائے آل رسول
بھینی بھینی سی مست خوشبو سے
دل کی کلیاں بسائے آل رسول
طِیبِ طیبہ میں ہیں بسی کلیاں
مہکی گلگوں قَبائے آل رسول
بھولے بھٹکوں کا خِضر ہی تو ہے
راستہ پر لگائے آل رسول
سبز گنبد پہ اُڑ کے جا بیٹھوں
شوق کے پَر لگائے آل رسول
خاک میری اُڑے جو بعدِ فنا
مدَنی ہو ہَوائے آل رسول
اب تو گدْیَہ گروں کی چاندی ہے
ہیں کھرے سِکَّہائے آل رسول
مقطع
خم سے آسَن جمائے درپہ گدا
کوئی پیالہ پلائے آل رسول
Kalam Details
Bahr
Bahr-e-Khafeef Musaddas Makhboon Mahzoof
Radif
ل
Total Ashaar
17
Total Misra
34
Writer
Hujjat-ul-Islam Maulana Shah Muhammad Hamid Raza Khan Qadri Razvi Noori
Book
Bayaz-e-Pak Hujjat-ul-Islam