Hamd
Jo noor bar hua aaftab-e-husn-e-maleeh
جو نور بار ہوا آفتاب حسن ملیح
Urdu Kalam
مطلع
جو نور بار ہوا آفتابِ ُحسنِ َملیح
ہوئے زمین و زماں کامیابِ ُحسنِ َملیح
زوال مہر کو ہو ماہ کا جمال گھٹے
مگر ہے اَوجِ اَبد پر شبابِ ُحسنِ َملیح
زمیں کے پھول گریباں دَریدۂ غمِ عشق
فلک پہ بدر دِل اَفگارِ تابِ ُحسنِ َملیح
دلوں کی جان ہے لطفِ صباحتِ یوسف
مگر ہوا ہے نہ ہو گا جوابِ ُحسنِ َملیح
الٰہی موت سے یوں آئے مجھ کو میٹھی نیند
مرے خیال کی راحت ہو خوابِ حسن ملیح
جمال والوں میں ہے شورِ عشق اور ابھی
ہزار پردوں میں ہے آب و تابِ حسن ملیح
زمینِ شور بنے تختۂ گل و سنبل
عرق فشاں ہو اگر آب و تابِ حسن ملیح
نثار دولت بیدار و طالع اَزواج
نہ دیکھی چشم زلیخا نے خوابِ حسن ملیح
تجلیوں نے نمک بھر دیا ہے آنکھوں میں
ملاحت آپ ہوئی ہے حجابِ حسن ملیح
نمک کا خاصہ ہے اپنے کیف پر لانا
ہر ایک شے نہ ہو کیوں بہرہ یابِ حسن ملیح
عسل ہو آب بنیں کوزہائے قند حباب
جو بحرِ شور میں ہو عکسِ آبِ حسن ملیح
دلِ صباحتِ یوسف میں سوزِ عشق حضور
نبات و قند ہوئے ہیں کبابِ حسن ملیح
صبیح ہوں کہ صباحت جمیل ہوں کہ جمال
غرض سبھی ہیں نمک خوارِ بابِ حسن ملیح
کھلے جب آنکھ نظر آئے وہ ملاحتِ پاک
بیاضِ صبح ہو یارب کتابِ حسن ملیح
حیاتِ بے مزہ و بخت تیرہ میدارم
بتاب اے مہِ گردوں جنابِ حسن ملیح
مقطع
حسنؔ کی پیاس بجھا کر نصیب چمکا دے
تِرے نثار میں اے آب و تابِ حسن ملیح
Kalam Details
Bahr
Bahr-e-Muzare Musamman Akhrab Makfuf Mahzuf
Radif
ح
Total Ashaar
16
Total Misra
32
Writer
Maulana Hasan Raza Khan
Book
Zauq-e-Naat
Topics
Ishq-e-Rasool