Hamd
Allah baraye Ghaus-e-Azam
اللہ برائے غوث اعظم رَضِیَ اللہُ تَعَالٰی عَنْہ
Urdu Kalam
مطلع
اللہ برائے غوثِ اعظم
دے مجھ کو وِلائے غوثِ اعظم
دیدارِ خدا تجھے مبارک
اے محو لقائے غوثِ اعظم
وہ کون کریم صاحبِ جود
میں کون گدائے غوثِ اعظم
سوکھی ہوئی کھیتیاں ہری کر
اے اَبر سخائے غوثِ اعظم
اُمیدیں نصیب مشکلیں حل
قربانِ عطائے غوثِ اعظم
کیا تیزیٔ مہر حشر سے خوف
ہیں زیر لوائے غوثِ اعظم
وہ اَور ہیں جن کو کہئے محتاج
ہم تو ہیں گدائے غوثِ اعظم
ہیں جانبِ نالۂ غریباں
گوشِ شنوائے غوثِ اعظم
کیوں ہم کو ستائے نارِ دوزخ
کیوں رَد ہو دُعائے غوثِ اعظم
بیگانے بھی ہو گئے یگانے
دل کش ہے اَدائے غوثِ اعظم
آنکھوں میں ہے نور کی تجلی
پھیلی ہے ضیائے غوثِ اعظم
جو دَم میں غنی کرے گدا کو
وہ کیا ہے عطائے غوثِ اعظم
کیوں حشر کے دن ہو فاش پردہ
ہیں زیر قبائے غوثِ اعظم
آئینۂ رُوئے خوبرویاں
نقش کف پائے غوثِ اعظم
اے دل نہ ڈر ان بلاؤں سے اب
وہ آئی صدائے غوثِ اعظم
اے غم جو ستائے اَب تو جانوں
لے دیکھ وہ آئے غوثِ اعظم
تارِ نفسِ ملائکہ ہے
ہر تارِ قبائے غوثِ اعظم
سب کھول دے عقدہائے مشکل
اے ناخن پائے غوثِ اعظم
مقطع
کیا اُن کی ثنا لکھوں حسنؔ میں
جاں باد فدائے غوثِ اعظم
Kalam Details
Bahr
Bahr-e-Muzare Musamman Akhram Makfuf Mahzuf
Radif
م
Total Ashaar
19
Total Misra
38
Writer
Maulana Hasan Raza Khan
Book
Zauq-e-Naat
Topics
Ghaus-e-Azam