Salam
Aye Shahenshah-e-Madina Assalatu Wassalam
اے شہنشاہِ مدینہ اَلصلٰوۃُ وَالسلَام
Urdu Kalam
مطلع
اے شہنشاہِ مدینہ اَلصَّلٰوۃُ وَالسَّلَام
زینتِ عرشِ مُعلّٰی اَلصَّلٰوۃُ وَالسَّلَام
رَبِّ ھَبْ ِلیْ اُمَّتِیْ کہتے ہوئے پیدا ہوئے
حق نے فرمایا کہ بخشا اَلصَّلٰوۃُ وَالسَّلَام
دست بستہ سب فرشتے پڑھتے ہیں ان پر دُرود
کیوں نہ ہو پھر وِرد اپنا اَلصَّلٰوۃُ وَالسَّلَام
مومنو پڑھتے نہیں کیوں اپنے آقا پر دُرود
ہے فرشتوں کا وظیفہ اَلصَّلٰوۃُ وَالسَّلَام
بت شکن آیا یہ کہہ کر سر کے بل بت گر گئے
جھوم کر کہتا تھا کعبہ اَلصَّلٰوۃُ وَالسَّلَام
سر جھکا کر بااَدب عشقِ رَسُوْلُ اللہ میں
کہہ رہا تھاہر ستارہ اَلصَّلٰوۃُ وَالسَّلَام
غنچے چٹکے پھول مہکے چہچہائیں بلبلیں
گل کھلا باغِ اَحَدکا اَلصَّلٰوۃُ وَالسَّلَام
مقطع
میں وہ سنی ہوں جمیلؔ قادری مرنے کے بعد
میرا لاشہ بھی کہے گا اَلصَّلٰوۃُ وَالسَّلَام
Kalam Details
Bahr
Bahr-e-Ramal Musamman Mahzoof
Radif
م
Total Ashaar
8
Total Misra
16
Writer
Maulana Muhammad Jameel-ur-Rehman Razvi
Book
Qabala-e-Bakhshish
Category
Salam
Topics
Ishq-e-Rasool
Madina