Hamd
Rabb-e-Ahmad ki qasam Ahmad-e-Zeeshan ki qasam
تضمین بر غزل بیدمؔ
Sadr-ul-Afazil Maulana Syed Muhammad Naeemuddin Muradabadi
Urdu Kalam
مطلع
ربِ اَحمد کی قسم اَحمدِ ذِیشاں کی قسم
اپنے آقا کی قسم شاہِ رَسولاں کی قسم
دَردِ دِل کی قسم اپنے دِلِ پنہاں کی قسم
مٹ گئے عشق میں خاکِ دَرِ جاناں کی قسم
پھر بھی بے چین ہے دِل جنبشِ داماں کی قسم
ملتی ہے تیری غلامی سے نجاتِ اَبدی
تجھ میں گم ہونے کو کہتے ہیں ثباتِ اَبدی
تجھ پہ مٹ جاؤں تو حاصل ہوں صفاتِ اَبدی
تجھ پہ مرنے کو سمجھتا ہوں حیاتِ اَبدی
آرزوئوں کی قسم حسرت و اَرماں کی قسم
دیکھنے والوں کے پھر ہوش اُڑا دے جلوہ
آج ہر ذَرَّہ کو خورشید بنادے جلوہ
حسرتیں اس دِلِ شیدا کی مٹا دے جلوہ
حشر ہے آج تو بے پردہ دِکھا دے جلوہ
تجھ کو محبوب مرے چاک گریباں کی قسم
دِلِ وَحشی ہے ترے ِہجر میں ہر دَم َمغموم
دَرِ اَقدس پہ پہنچتا یہ کہاں تھے َمقسوم
آگے تقدیر میں کیا ہے یہ نہیں کچھ معلوم
تِیرہ بختی نے رَکھا وَصل سے اب تک محروم
شبِ ِہجراں کی قسم شامِ غریباں کی قسم
خسروِ ُحسن ترے ُحسن کی یکتا ہے بہار
دل تو کیا چیز تری زلف پہ کونین نثار
یہ تو منعمؔ نہ کسی طرح کہے گا زنہار
دل اُلجھتا ہے خدا کے لیے زُلفوں کو سنوار
مقطع
اپنے بیدمؔ کے تجھے حالِ پریشاں کی قسم
Kalam Details
Bahr
Bahr-e-Muzare Musamman Akhram Makfuf Mahzuf
Radif
م
Total Ashaar
5
Total Misra
25
Writer
Sadr-ul-Afazil Maulana Syed Muhammad Naeemuddin Muradabadi
Book
Riyaz-e-Naeem
Topics
Ishq-e-Rasool