Manqabat
Naeem-e-deen-o-millat naasir-e-shara-e-mubeen tum ho
نعیمِ دِین و ملت ناصرِ شرعِ مبیں تم ہو
Urdu Kalam
مطلع
نعیمِ دِین و ملت ناصرِ شرعِ مبیں تم ہو
معینِ اَہلِ سنت ناشرِ اَحکامِ دِیں تم ہو
منور آپ سے ہے بزمِ اِیمانی و اِیقانی
سراجِ بزمِ عرفاں صاحبِ علم الیقیں تم ہو
گزاری عمر ساری خدمتِ دینِ محمد میں
دِل و جاں سے ُمعینِ دِینِ ختم المرسلیں تم ہو
مٹایا ُکفر کو تم نے بجایا دین کا ڈَنکا
پناہِ اَہلِ دِیں اور قامِعِ ُکفرِ مہیں تم ہو
نہ کیوں اہل زباں فخر الاماثل آپ کو مانیں
اَماثل خاتمِ دیں اور خاتم کے نگیں تم ہو
لقب صدر الافاضل آپ نے پایا زمانہ میں
امامِ اَہلِ سنت دین کے حبلِ متیں تم ہو
تمہاری دِید ہم سب خادِموں کی عید ہے آقا
قرارِ بیقراراں اور راحتِ قلبِ حزیں تم ہو
مقطع
ہَوا گو ہے مخالف اور ہیں اَعدائے دِیں دَرپے
مگر کیا خوف ہو سالکؔ کو جب اس کے ُمعیں تم ہو
Kalam Details
Bahr
Bahr-e-Muzare Musamman Akhrab Makfuf Mahzuf
Radif
تم ہو
Language
Urdu
Total Ashaar
8
Total Misra
16
Writer
Maulana Naeemuddin Muradabadi
Book
Riyaz-e-Naeem
Category
Manqabat