Hamd
Naam lewa tera koocha se tere shaad aaya
نام لیوا ترا کوچہ سے ترے شاد آیا
Urdu Kalam
مطلع
نام لیوا ترا کوچہ سے ترے شاد آیا
کب ترے دَر سے کوئی لوٹ کے بے داد آیا
لے گیا دِل کی مرادوں سے وہ بھر کر دامن
جو ترے روضہ پہ کرتا ہوا فریاد آیا
ترے روضے کو نہ کیوں قبلۂ حاجات کہوں
لوٹ کر شاد گیا جو کوئی ناشاد آیا
نام نے تیرے ہر اِک غم سے بچایا ہم کو
رَنج سب بھول گئے تو ہمیں جب یاد آیا
جب غلاموں نے مصیبت میں تجھے یاد کیا
آن کی آن میں تو برسرِ اِمْداد آیا
تجھ پہ قربان میں اے آئینۂ ذاتِ خدا
اِک نظر دیکھ لیا تجھ کو خدا یاد آیا
مقطع
کب وہ دن ہوگا الٰہی کہ یہ اَحباب کہیں
اے جمیلِؔ رَضوی دیکھ تو بغداد آیا
Kalam Details
Bahr
Bahr-e-Ramal Musamman Mahzoof
Radif
ا
Total Ashaar
7
Total Misra
14
Writer
Maulana Muhammad Jameel-ur-Rehman Razvi
Book
Qabala-e-Bakhshish