Hamd
Kuch gham nahi agarcha zamana ho bar khilaf
کچھ غم نہیں اگرچہ زمانہ ہو بر خلاف
Urdu Kalam
مطلع
کچھ غم نہیں اگرچہ زمانہ ہو بر خلاف
اُن کی مدد رہے تو کرے کیا اَثر خلاف
اُن کا عدو اَسیرِ بلائے نفاق ہے
اس کی زبان و دل میں رہے عمر بھر خلاف
کرتا ہے ذکرِ پاک سے نجدی مخالفت
کم بخت بد نصیب کی قسمت ہے برخلاف
اُن کی وَجاہتوں میں کمی ہو محال ہے
بالفرض اِک زمانہ ہو اُن سے اگر خلاف
اُٹھوں جو خوابِ مرگ سے آئے شمیم یار
یارب نہ صبح حشر ہو بادِ سحر خلاف
قربان جاؤں رحمت عاجز نواز پر
ہوتی نہیں غریب سے اُن کی نظر خلاف
شان کرم کسی سے عوض چاہتی نہیں
لاکھ اِمتثالِ اَمر میں دِل ہو اِدھر خلاف
کیا رحمتیں ہیں لطف میں پھر بھی کمی نہیں
کرتے رہے ہیں حکم سے ہم عمر بھر خلاف
مقطع
تعمیلِ حکمِ حق کا حسنؔ ہے اگر خیال
ارشادِ پاکِ سروَرِ دِیں کا نہ کر خلاف
Kalam Details
Bahr
Bahr-e-Muzare Musamman Akhrab Makfuf Mahzuf
Radif
ف
Total Ashaar
9
Total Misra
18
Writer
Maulana Hasan Raza Khan
Book
Zauq-e-Naat