Hamd
Khol do seena mera faateh-e-makkah aakar
ترجیع بند (کھول دو سینہ مرا فاتحِ مکہ آکر)
Sadr-ul-Afazil Maulana Syed Muhammad Naeemuddin Muradabadi
Urdu Kalam
مطلع
کھول دو سینہ مرا فاتحِ مکہ آکر
کعبۂ دِل سے صنم کھینچ کے کر دو باہر
پردے غفلت کے نگاہوں سے ہٹا دو یکسر
مجھ سیہ کار پہ فرما دو عنایت کی نظر
نورِ ایماں سے مرا سینہ منور کر دو
دل میں عشقِ رُخِ پُرنور کا جذبہ بھر دو
دلِ تاریک کرم ہو تو مجلی ہو جائے
تیرہ آئینہ توجہ سے مصفا ہوجائے
سینہ اَنوار گہِ جلوئہ مولیٰ ہوجائے
دِل میں تم آؤ تو دِل عرشِ معلی ہوجائے
نورِ ایماں سے مرا سینہ منور کر دو
دل میں عشقِ رخِ پُرنور کا جذبہ بھر دو
دل میں حرص و ہوس و خواہشِ دنیا نہ رہے
آپ کا عشق رہے غیر کا خطرہ نہ رہے
آپ کی یاد ہو سر میں کوئی سودا نہ رہے
دل مَدینہ رہے اور دَیر و کلیسا نہ رہے
نورِ ایماں سے مرا سینہ منور کردو
دل میں عشقِ رُخِ پُرنور کا جذبہ بھردو
جلوہ فرمائیے قالب میں مری جاں ہوکر
سلطنت کیجئے اس جسم میں سلطاں ہوکر
آپ میں ہوکے فنا آپ پہ قرباں ہو کر
قدسیوں کو بھی تو دِکھلادُوں میں حیراں ہو کر
نورِ ایماں سے مرا سینہ منور کردو
د ل میں عشقِ رُخِ پُرنور کا جذبہ بھردو
بندۂ درگہِ عالی یہ نعیمؔ بے کس
شامت نفس سے ہے آہ گرفتارِ سوس
کیجئے اس کو رہا توڑئیے سب بند و قفس
وردِ لب تادمِ آخر رہے نامِ اَقدس
مقطع
نورِ ایماں سے مرا سینہ منور کر دو
دل میں عشقِ رُخِ پُرنور کا جذبہ بھر دو
Kalam Details
Bahr
Bahr-e-Ramal Musamman Mahzoof
Radif
د
Total Ashaar
5
Total Misra
30
Writer
Sadr-ul-Afazil Maulana Syed Muhammad Naeemuddin Muradabadi
Book
Riyaz-e-Naeem
Topics
Ishq-e-Rasool
Madina