Manqabat
Khalq pe lutf-e-khuda hazrat-e-usman hain
خلق پہ لطفِ خدا حضرتِ عثمان ہیں
Urdu Kalam
مطلع
خلق پہ لطفِ خدا حضرتِ عثمان ہیں
جملہ مرض کی دَوا درد کے درمان ہیں
دستِ شہِ دوسرا جو کہ یَدُ ا للّٰہ تھا
ہاتھ بنا آپ کا آپ وہ ذِی شان ہیں
نورِ دِل و عین ہیں صاحبِ نورَین ہیں
سب کے دل کے چین ہیں مومنوں کی جان ہیں
گلشنِ دِین کی بہار مومنوں کے تاجدار
عزتِ ہر ذِی وَقار زینتِ ایمان ہیں
آپ ممدوحِ جہاں خلقِ خدا مَدح خواں
کیا ہے اَگر بدگماں چند بے ایمان ہیں
حق نے وہ رتبہ دیا تم غنی ہم سب گدا
کیا کہوں میں تم ہو کیا عقل ودل حیران ہیں
جو ہیں اِمامِ اَنام جس کے ہیں ہم سب غلام
مرجعِ ہر خاص و عام حضرتِ عثمان ہیں
بابِ سخا کھل گیا دیکھا جو یہ ماجرا
غازیانِ مصطفیٰ بے سروسامان ہیں
مقطع
تم غنی سالکؔ گدا اِک نظر بہرِ خدا
آپ جہاں کے لیے رحمتِ رحمٰن ہیں
Kalam Details
Bahr
Bahr-e-Ramal Musamman Mahzuf
Radif
ں
Total Ashaar
9
Total Misra
18
Writer
Mufti Ahmad Yar Khan Naeemi
Book
Diwan-e-Salik
Category
Manqabat