Istighasa
Jot se un ki jag ujyala
جوت سے ان کی جگ اُوجیالا
Urdu Kalam
مطلع
جوت سے ان کی جگ اُوجیالا
وہ سورج اور سارے تارے
اِنَّا اَعْطَیْنکَ الْکَوْثَر
تم رب کے ہم سب ہیں تمہارے
یُعْطِیْ رَبُّکَ حَتّٰی تَرْضٰی
مرضیِ رب ہیں تمہارے اِشارے
کلمہ و خطبہ ، نماز و اَذاں میں
بولتے ہیں سب بول تمہارے
اہلِ زمیں کے نصیبے چمکے
جب وہ فرش سے عرش سدہارے
ہم نے ناؤ بھنور میں ڈالی
تم اس ناؤ کے کھیون ہارے
ہم نے ہمیشہ کام بگاڑے
تم نے بگڑے کام سنوارے
آقا حشر میں عزت رکھنا
عیب نہ یہ کھل جائیں ہمارے
ہم کو نہ دیکھو آپ کو دیکھو
گوبد ہیں کس کے ہیں تمہارے
دَر کے کمین ہیں غیر نہیں ہیں
پھرتے پھریں کیوں مارے مارے
تھوڑی زمیں جو مدینہ میں دے دو
آن پڑیں قدموں میں تمہارے
مقطع
نزع میں قبر میں اس سالکؔ کو
چاند سی شکل دکھانا پیارے
Kalam Details
Bahr
Bahr-e-Ramal Musamman Mahzuf
Radif
ے
Total Ashaar
12
Total Misra
24
Writer
Mufti Ahmad Yar Khan Naeemi
Book
Diwan-e-Salik