Istighasa
Hai yeh jo kuch bhi jahan ki raunaq
ہے یہ جو کچھ بھی جہاں کی رونق
Urdu Kalam
مطلع
ہے یہ جو کچھ بھی جہاں کی رونق
یانبی سب ہے تمہاری رونق
عرش و کرسی ہے تمہیں سے روشن
فرش پر بھی ہے تمہاری رونق
دیکھیں طیبہ کو تو رضواں کہہ دیں
ہم نے دیکھی نہیں ایسی رونق
خلد و اَفلاک مزین ہیں سبھی
پھر ہے طیبہ کی نرالی رونق
مسکرا دیجیے یاشاہ کہ ہو
دوجہاں میں ابھی دُونی رونق
حور و غلماں مَلک و جن و بشر
ہے یہ سب آپ کے دم کی رونق
تم نہیں تھے تو نہیں تھا کچھ بھی
تم نہ ہوتے تو نہ ہوتی رونق
میں ہوں محبوبِ خدا کا مَدَّاح
میری تربت پہ بھی ہوگی رونق
مقطع
ایک دن چل کے جمیلؔ رَضوی
دیکھیے اُن کی گلی کی رونق
Kalam Details
Bahr
Bahr-e-Ramal Musaddas Mahzoof
Radif
ق
Total Ashaar
9
Total Misra
18
Writer
Maulana Muhammad Jameel-ur-Rehman Razvi
Book
Qabala-e-Bakhshish