Manqabat
Hai Dil Ko Teri Justajoo Ghaus-e-Azam
ہے دِل کو تری جستجو غوثِ اعظم
Urdu Kalam
مطلع
ہے دِل کو تری جستجو غوثِ اعظم
زَباں پر تری گفتگو غوثِ اعظم
ترا ذِکر گلشن میں بلبل کے لب پر
گلوں میں ترا رَنگ و بو غوثِ اعظم
نظر میں کوئی خوبرو کیا سمائے
بسا میری آنکھوں میں تو غوثِ اعظم
ہیں سورج اگر مصطفیٰ چاند ہے تو
ہیں جلوے ترے چار سو غوثِ اعظم
لگا زخم تیغِ مَعاصی کا دل پر
تو رحمت سے کردے رَفو غوثِ اعظم
مدد کر میں ہوں ناتواں اور تنہا
ہیں اَعدا بہت جنگجو غوثِ اعظم
قوی کر قوی مجھ کو دے ایسی قوت
کہ ہو سرنگوں ہر عدو غوثِ اعظم
عمل پوچھے جاتے ہیں مجھ سے لحد میں
ترے ہاتھ ہے آبرو غوثِ اعظم
طفیل حسین و حسن لاج رکھ لے
ترے ہاتھ ہے آبرو غوثِ اعظم
حساب و کتاب اور مرا ہاتھ خالی
تو آجا مرے رُوبرو غوثِ اعظم
نہ مجھ سا کوئی تیرہ دِل پرمعاصی
نہ تجھ سا کوئی ماہرو غوثِ اعظم
نکیرین اب مجھ سے جو چاہو پوچھو
کہ آئے مرے رُوبرو غوثِ اعظم
خدا جانے کیا حال ہوتا ہمارا
نہ ہوتا اگر سر پہ تو غوثِ اعظم
بچالے غلاموں کو بہرِ پیمبر
چلی کفر و بدعت کی لو غوثِ اعظم
خدا کی قسم میرے دل میں بھری ہے
تری دِید کی آرزو غوثِ اعظم
ملیں اب تو بغداد کی مجھ کو گلیاں
میں کب تک پھرں کو بکو غوثِ اعظم
مقطع
جمیلؔ اپنے مرشد کے قربان جاؤں
کہ وہ گل ہیں اوراُن میں بو غوثِ اعظم
Kalam Details
Bahr
Bahr-e-Ramal Musamman Makhboon
Radif
م
Total Ashaar
17
Total Misra
34
Writer
Maulana Muhammad Jameel-ur-Rehman Razvi
Book
Qabala-e-Bakhshish
Category
Manqabat
Topics
Ghaus-e-Azam