Naat
Guzre jis raah se woh Syed-e-wala ho kar
گزرے جس راہ سے وہ سیِّدِ والا ہو کر
Urdu Kalam
مطلع
گزرے جس راہ سے وہ سیِّدِ والا ہو کر
رہ گئی ساری زَمیں عَنْبرِ سارا ہو کر
رُخِ اَنور کی تجلی جو قمر نے دیکھی
رہ گیا بوسہ دہِ نقشِ کفِ پا ہو کر
وَائے محرومیِ قسمَت کہ میں پھر اب کی برس
رہ گیا ہمرہِ زَوّارِ مدینہ ہو کر
چمنِ طیبہ ہے وہ باغ کہ مُرغِ سِدرہ
برسوں چہکے ہیں جہاں بلبلِ شیدا ہو کر
صَرْصَرِ دَشتِ مَدینہ کا مگر آیا خیال
رَشکِ گلشن جو بنا غُنْچۂ دِل وا ہو کر
گوشِ شہ کہتے ہیں فریاد رَسی کو ہم ہیں
وَعدۂ چشم ہے بخشائیں گے گویا ہو کر
پائے شہ پر گِرے یارب تپشِ مہر سے جب
دلِ بے تاب اُڑے حشر میں پارا ہو کر
مقطع
ہے یہ امّید رضاؔ کو تِری رحمت سے شہا
نہ ہو زِندانیِ دوزخ تِرا بندہ ہو کر
Kalam Details
Bahr
Bahr-e-Ramal Musamman Mahzuf
Radif
ر
Total Ashaar
8
Total Misra
16
Writer
Aala Hazrat Imam Ahmed Raza Khan
Book
Hadaiq-e-Bakhshish