Hamd
Ay hubb-e-watan sath na yun su-e-najaf ja
منقبت خلیفۂ چہارم کَرَّمَ اللہُ تَعَالٰی وَجْہَہٗ الْکَرِیْم
Urdu Kalam
مطلع
اے حبِ وطن ساتھ نہ یوں سوئے نجف جا
ہم اور طرف جاتے ہیں تو اور طرف جا
چل ہند سے چل ہند سے چل ہند سے غافل
اُٹھ سوئے نجف سوئے نجف سوئے نجف جا
پھنستا ہے وَبالوں میں عبث اَخترِ طالع
سرکار سے پائے گا شرف بہرِ شرف جا
آنکھوں کو بھی محروم نہ رکھ ُحسنِ ضیا سے
کی دل میں اگر اے مہ بے داغ و کلف جا
اے کلفت غم بندۂ مولیٰ سے نہ رکھ کام
بے فائدہ ہوتی ہے تری عمر تلف جا
اے طلعت شہ آ تجھے مولیٰ کی قسم آ
اے ظلمت دل جا تجھے اس رُخ کا حلف جا
ہو جلوہ فزا صاحب قوسین کا نائب
ہاں تیر دعا بہر خدا سوئے ہدف جا
کیوں غرقِ اَلم ہے دُرِّ مقصود سے مونھ بھر
نیسانِ کرم کی طرف اے تشنہ صدف جا
جیلاں کے شرف حضرتِ مولیٰ کے خلف ہیں
اے ناخلف اُٹھ جانبِ تعظیمِ خلف جا
تفضیل کا جویا نہ ہو مولا کی وِلا میں
یوں چھوڑ کے گوہر کو نہ تو بہر خذف جا
مولٰی کی امامت سے محبت ہے تو غافل
اَربابِ جماعت کی نہ تو چھوڑ کے صف جا
مقطع
کہدے کوئی گھیرا ہے بلاؤں نے حسنؔ کو
اے شیرِ خدا بہرِ مدد تیغِ بکف جا
Kalam Details
Bahr
Bahr-e-Muzari Musamman Akhrab Makfuf Mahzuf
Radif
ا
Total Ashaar
12
Total Misra
24
Writer
Maulana Hasan Raza Khan
Book
Zauq-e-Naat