Hamd
Aah poora mere dil ka kabhi armaan hoga
آہ پورا مرے دِل کا کبھی اَرماں ہوگا
Urdu Kalam
مطلع
آہ پورا مرے دِل کا کبھی اَرماں ہوگا
کبھی دِل جلوہ گہ سروَرِ خوباں ہوگا
میرے دل پر جو کبھی جلوئہ جاناں ہوگا
لَمعَۂ نور مرے رُخ سے نمایاں ہوگا
جلوئہ مصحفِ رُخ دِل میں جو پنہاں ہوگا
پارے پارے میں مرے قلب کے قرآں ہوگا
چوندھ جائے گی تری آنکھ بھی مہر محشر
ان کے ذَرَّہ کو جو دیکھے گا پریشاں ہوگا
دیکھ مت دیکھ مجھے گرم نظر سے خاوَر
شوخیٔ چشم سے تو آپ پریشاں ہوگا
حسن وہ پایا ہے خورشیدِ رسالت تونے
تیرے دِیدار کا طالب مَہِ کنعاں ہوگا
جلوۂ حسن جہاں تاب کا کیا حال کہوں
آئینہ بھی تو تمہیں دیکھ کے حیراں ہوگا
کون پوچھے گا بھلا روزِ جزا وہ بھی مجھے
اُن کی رحمت کے سوا کوئی بھی پُرساں ہوگا
چاکِ تقدیر کو کیا سوزَنِ تدبیر سئے
لاکھ وہ بخیہ کرے چاک گریباں ہوگا
مجھ کو دعویٰ نہیں عصمت کا مگر بے موقع
عیب جوئی نہ کرے گا جو سخن داں ہوگا
دلِ دشمن کے لیے تیغِ دو پیکر ہے سخن
چشمِ حاسد کو مرا شعر نمک داں ہوگا
مقطع
عمر ساری تو کٹی لہو میں اپنی نوریؔ
کب مَدینے کی طرف ُکوچ کا ساماں ہوگا
Kalam Details
Bahr
Bahr-e-Ramal Musamman Mahzuf
Radif
ا
Total Ashaar
12
Total Misra
24
Writer
Al-Madinat-ul-Ilmiyah
Book
Saman-e-Bakhshish