Hamd
Nahin woh sadma yeh dil ko kis ka khayaal rehmat thapak raha hai
نہیں وہ صدمہ یہ دل کو کس کا خیالِ رحمت تھپک رہا ہے
Urdu Kalam
مطلع
نہیں وہ صدمہ یہ دل کو کس کا خیال رحمت تھپک رہا ہے
کہ آج رُک رُک کے خونِ دِل کچھ مری مژہ سے ٹپک رہا ہے
لیا نہ ہو جس نے اُن کا صدقہ ملا نہ ہو جس کو اُن کا باڑا
نہ کوئی ایسا بشر ہے باقی نہ کوئی ایسا مَلک رہا ہے
کیا ہے حق نے کریم تم کو اِدھر بھی لِلّٰہ نگاہ کر لو
کہ دیر سے بے نوا تمہارا تمہارے ہاتھوں کو تک رہا ہے
ہے کس کے گیسوئے مشک بو کی شمیم عنبر فشانیوں پر
کہ جائے نغمہ صفیر بلبل سے مشک اَذفر ٹپک رہا ہے
یہ کس کے روئے نکو کے جلوے زمانے کو کر رہے ہیں روشن
یہ کس کے گیسوئے مشک بو سے مشامِ عالم مہک رہا ہے
مقطع
حسنؔ عجب کیا جو اُن کے رنگِ ملیح کی تہ ہے پیرہن پر
کہ رنگ پر نور مہر گردوں کئی فلک سے چمک رہا ہے
Kalam Details
Bahr
Bahr-e-Hazaj Musamman Salim
Radif
ے
Total Ashaar
6
Total Misra
12
Writer
Maulana Hasan Raza Khan
Book
Zauq-e-Naat