Hamd
Shafi-e-roz-e-mahshar ae shahenshah-e-zaman tum ho
شفیع روزِ محشر اے شہنشاہِ زماں تم ہو
Sadr-ul-Afazil Maulana Syed Muhammad Naeemuddin Muradabadi
Urdu Kalam
مطلع
شفیع روزِ محشر اے شہنشاہِ زماں تم ہو
مُقیمِ عرشِ اعلیٰ ہو مَکینِ لامکاں تم ہو
ترے رُتبہ سے بالا مرتبہ کس کا ہے دنیا میں
رفیقِ بیکساں تم ہو اَنیس بیکساں تم ہو
کلیجہ کیوں نہ ٹھنڈا ہو تمہارا نام لینے سے
محمد مصطفیٰ تم ہو حبیبِ دو جہاں تم ہو
یہاں پر میں تڑپتا ہوں تمہارے دردِ فرقت میں
مجھے قسمت پہ ان کی رشک ہے مولیٰ جہاں تم ہو
جو تم سے پھر گیا مولیٰ ٹھکانا ہے کہاں اس کا
خدا بھی مہرباں اس پر کہ جس پر مہرباں تم ہو
چلے گا قافلہ امت کا جب میدانِ محشر کو
نہیں خطرہ ہمیں جب کہ اَمیرِ کارواں تم ہو
حسابِ زندگی درپیش ہوگا جب قیامت میں
مجھے دامن میں ڈھک لینا پناہِ بیکساں تم ہو
تمہارے نام کا سکہ ہے جاری ساری دنیا میں
سلیماں کس طرح کہہ دوں کہ شاہِ دوجہاں تم ہو
مقطع
ترے در سے کہاں جائے نعیمؔ زار اے مولیٰ
طبیب دردِ دل تم ہو علاجِ دردِ جاں تم ہو
Kalam Details
Bahr
Bahr-e-Muzare Musamman Akhrab Makfuf Mahzuf
Radif
و
Total Ashaar
9
Total Misra
18
Writer
Sadr-ul-Afazil Maulana Syed Muhammad Naeemuddin Muradabadi
Book
Riyaz-e-Naeem