Hamd
Shab-e-gham bhi aakhir basar ho gayi
شبِ غم بھی آخر بسر ہوگئی
Sadr-ul-Afazil Maulana Syed Muhammad Naeemuddin Muradabadi
Urdu Kalam
مطلع
شبِ غم بھی آخر بسر ہوگئی
تڑپتے تڑپتے سحر ہوگئی
مرے دَردِ دِل کی خبر ہوگئی
جو چشمِ کرامت ادھر ہوگئی
مَدینہ کا دیدار مشکل نہیں
نگاہِ عنایت اگر ہوگئی
دیارِ نبی میں گزر ہوگئی
یہ تقدیر کس اَوج پر ہوگئی
لیے قلبِ مضطر مَدینہ میں پہنچا
تسلی زمیں چوم کر ہوگئی
نگاہیں فدا روضۂ پاک پر
جبیں عاشقِ سنگِ در ہوگئی
مواجہ میں عرضِ صلوۃ و سلام
مری آبرو اس قدر ہوگئی
مَیَسَّر ہوا بوسۂ سنگِ در
یہ عزت تری نامہ بر ہوگئی
غموں میں مرے اِک اضافہ ہوا
دوا دَرد کی دردِ سر ہوگئی
غمِ عشق تھا دل کے اندر نہاں
مری پردہ در چشمِ تر ہوگئی
مقطع
نعیمِؔ خطا کار پر یہ کرم
شفاعت نبی کی سپر ہوگئی
Kalam Details
Bahr
Bahr-e-Mutaqarib Musamman Salim
Radif
ی
Total Ashaar
11
Total Misra
22
Writer
Sadr-ul-Afazil Maulana Syed Muhammad Naeemuddin Muradabadi
Book
Riyaz-e-Naeem
Topics
Ishq-e-Rasool
Madina