Hamd
Janaab-e-Mustafa hon jis se na khush
جناب مصطفے ہوں جس سے ناخوش
Urdu Kalam
مطلع
جنابِ مصطفیٰ ہوں جس سے نا خوش
نہیں ممکن کہ ہو اس سے خدا خوش
شہِ کونین نے جب صدقہ بانٹا
زمانے بھر کو دَم میں کر دیا خوش
سلاطیں مانگتے ہیں بھیک اس سے
یہ اپنے گھر سے ہے ان کا گدا خوش
پسند حق تعالیٰ تیری ہر بات
تِرے اَنداز خوش تیری ادا خوش
مٹیں سب ظاہر و باطن کے اَمراض
مدینہ کی ہے یہ آب و ہوا خوش
فَتَرْضٰی کی محبت کے تقاضے
کہ جس سے آپ خوش اس سے خدا خوش
ہزاروں جرم کرتا ہوں شب و روز
خوشا قسمت نہیں وہ پھر بھی نا خوش
الٰہی دے مِرے دل کو غم عشق
نشاطِ دہر سے ہو جاؤں نا خوش
نہیں جاتیں کبھی دَشت نبی سے
کچھ ایسی ہے بہاروں کی فضا خوش
مدینے کی اگر سرحد نظر آئے
دلِ ناشاد ہو بے اِنتہا خوش
نہ لے آرام دَم بھر بے غم عشق
دلِ مضطر میں خوش میرا خدا خوش
نہ تھا ممکن کہ ایسی معصیت پر
گنہگاروں سے ہو جاتا خدا خوش
تمہاری روتی آنکھوں نے ہنسایا
تمہارے غمزدہ دل نے کیا خوش
الٰہی دھوپ ہو ان کی گلی کی
مِرے سر کو نہیں ظل ہما خوش
مقطع
حسنؔ نعت و چنیں شیریں بیانی
تو خوش باشی کہ کر دی وقتِ ماخوش
Kalam Details
Bahr
Bahr-e-Mutaqarib
Radif
ش
Total Ashaar
15
Total Misra
30
Writer
Maulana Hasan Raza Khan
Book
Zauq-e-Naat
Topics
Ishq-e-Rasool
Madina