Hamd
Hamd hai us zaat ko jis ne musalman kar diya
حمد ہے اس ذات کو جس نے مسلماں کردیا
Urdu Kalam
مطلع
حمد ہے اُس ذات کو جس نے مسلماں کردیا
عشقِ سلطانِ جہاں سینہ میں پنہاں کردیا
جلوۂ زیبا نے آئینے کو حیراں کردیا
مہر و مَہ کو اُن کے تلووں نے پشیماں کردیا
اے شہِ لولاک تیری آفرنیش کے لیے
حق نے لفظِ ُکن سے پیدا ساز و ساماں کردیا
کیا کشش تھی سروَرِ عالم کے حسن پاک میں
سیکڑوں کفار کو دَم میں مسلماں کردیا
ہوگئی کافور ُظلمت دِل منور ہوگئے
جس طرف بھی اُس نے اپنا رُوئے تاباں کردیا
نعمتِ کونین دے کر ان کے دَستِ پاک میں
دونوں عالم کو خدا نے ان کا مہماں کردیا
یاد فرما کر قَسَم حق نے زمینِ پاک کی
خاکِ نعلِ مصطفیٰ کو تاجِ شاہاں کردیا
دُور ہی سے سبز گنبد کی جھلک کو دیکھ کر
عاشقوں نے ٹکڑے ٹکڑے جیب و داماں کردیا
اُس عرب کے چاند کا جلوہ مجھے دَرکار ہے
جس نے ہر ذَرّے کو اپنے ماہِ تاباں کردیا
سیکڑوں مردہ دلوں کو نورِ ایماں بخش کر
زندۂ جاوید اے عیسیٰٔ دوراں کردیا
گریہ و زاری نے راتوں کو تیری اَبرِ کرم
مثل گل صبح قیامت ہم کو خنداں کردیا
یارَسولَ اللہ اَغِثْنِیْ وقت ہے اِمداد کا
نفسِ کافر نے مجھے بے حد پریشاں کردیا
تیری نصرت ایسے نازک وقت میں حامی رہے
نجدیوں نے یانبی لاکھوں کو شیطاں کردیا
مقطع
ہے جمیلؔ قادری پر فضلِ اللہ و رسول
تیرا مرشد حضرتِ اَحمد رضا خاں کردیا
Kalam Details
Bahr
Bahr-e-Ramal Musamman Mahzuf
Radif
ا
Total Ashaar
14
Total Misra
28
Writer
Maulana Muhammad Jameel-ur-Rehman Razvi
Book
Qabala-e-Bakhshish
Topics
Ishq-e-Rasool