Manqabat
Hain mere peer lasani mohi-ud-din jeelani
ہیں میرے پیر لاثانی محی الدین جیلانی
Urdu Kalam
مطلع
ہیں میرے پیر لاثانی محی الدین جیلانی
نبی کی شمع نورانی محی الدین جیلانی
علی کے لاڈلے نورِ نگاہِ حضرتِ زَہرہ
رسول اللہ کے جانی محی الدین جیلانی
لقب ہے قطبِ رَبانی شرف محبوب سبحانی
ہے رُخ قندیلِ نورانی محی الدین جیلانی
بِلَادُاللہِ مُلْکِیْ تَحْتَ حُکْمِیْ سے ہوئی ثابت
جہاں میں تیری سلطانی محی الدین جیلانی
عَزُوْمٌ قَاتِلٌ عِنْدَ الْقِتَالِیْ شانِ عالی ہے
نہیں کوئی ترا ثانی محی الدین جیلانی
بجز تیرے شہِ بغداد کوئی اور کیا جانے
میرے دل کی پریشانی محی الدین جیلانی
فقیرِ قادری میں بادشاہِ قادری تم ہو
ہو دَردِ دِل کی دَرمانی محی الدین جیلانی
خوشی سے کردو مثلِ وَرْد میرے غنچۂ دِل کو
پئے سلطانِ سَمْنانی محی الدین جیلانی
تمہارا اِک اِشارہ ہو تو میرا کام بن جائے
رَفع ہو ساری حیرانی محی الدین جیلانی
مدد کا وقت ہے مشکل ُکشائی کے لیے آؤ
ہے بحرِ غم میں طغیانی محی الدین جیلانی
مقطع
غلامِ دَرگہِ والا ہے سالکؔ پھر کدھر جائے
سنانے رَنجِ پنہانی محی الدین جیلانی
Kalam Details
Bahr
Bahr-e-Ramal Musamman Mahzuf
Radif
ی
Total Ashaar
11
Total Misra
22
Writer
Mufti Ahmad Yar Khan Naeemi
Book
Diwan-e-Salik
Category
Manqabat
Topics
Ghaus-e-Azam