Hamd
Chashm-e-dil chahe jo anwaar se rabt
چشم دل چاہے جو انوار سے ربط
Urdu Kalam
مطلع
چشمِ دل چاہے جو اَنوار سے ربط
رکھے خاکِ دَرِ دِلدار سے ربط
ان کی نعمت کا طلبگار سے میل
ان کی رحمت کا گنہگار سے ربط
دشت طیبہ کی جو دیکھ آئیں بہار
ہو عنادِل کو نہ گلزار سے ربط
یا خدا دِل نہ ملے دنیا سے
نہ ہو آئینہ کو زَنگار سے ربط
نفس سے میل نہ کرنا اے دل
قہر ہے ایسے ستم گار سے ربط
دِلِ نجدی میں ہو کیوں ُحبِ حضور
ظلمتوں کو نہیں اَنوار سے ربط
تلخی نزع سے اس کو کیا کام
ہو جسے لعل شکر بار سے ربط
خاک طیبہ کی اگر مل جائے
آپ صحت کرے بیمار سے ربط
ان کے دامانِ گہربار کو ہے
کاسۂ دست طلبگار سے ربط
کل ہے اِجلاس کا دن اَور ہمیں
میل عملہ سے نہ دَربار سے ربط
عمر یوں ان کی گلی میں گزرے
ذَرَّہ ذَرَّہ سے بڑھے پیار سے ربط
سرِ شوریدہ کو ہو دَر سے میل
کمرِ خستہ کو دِیوار سے ربط
مقطع
اے حسنؔ خیر ہے کیا کرتے ہو
یار کو چھوڑ کر اَغیار سے ربط
Kalam Details
Bahr
Bahr-e-Ramal Musaddas Mahzoof
Radif
ط
Total Ashaar
13
Total Misra
26
Writer
Maulana Hasan Raza Khan
Book
Zauq-e-Naat