Hamd
Ay ibn-e-saad ray ki hukumat to kya mili
در مذمت قاتلانِ اہل بیت
Sadr-ul-Afazil Maulana Syed Muhammad Naeemuddin Muradabadi
Urdu Kalam
مطلع
اے اِبن سعد رے کی حکومت تو کیا ملی
ظلم و جفا کی جلد ہی تجھ کو سزا ملی
اے شمرِ نابکار شہیدوں کے خون کی
کیسی سزا تجھے ابھی اے ناسزا ملی
اے تشنگانِ خونِ جوانانِ اَہلِ بیت
دیکھا کہ تم کو ظلم کی کیسی سزا ملی
کتوں کی طرح لاشے تمہارے سڑا کیے
گھورے پہ گور۱ ؎ کو بھی تمہاری نہ جا ملی
رسوائے خلق ہوگئے برباد ہوگئے
مردُودو تم کو ذِلتِ ہر دوسرا ملی
تم نے اُجاڑا حضرتِ زہرا کا بوستاں
تم خود اُجڑ گئے تمہیں یہ بددعا ملی
دُنیا پرستو دین سے مُنہ موڑ کر تمہیں
دُنیا ملی نہ عیش و طرب کی ہوا ملی
آخر دکھایا رنگ شہیدوں کے خون نے
سر کٹ گئے اماں نہ تمہیں اِک ذرا ملی
مقطع
پائی ہے کیا نعیمؔ انہوں نے ابھی سزا
دیکھیں گے وہ جحیم میں جس دم سزا ملی
Kalam Details
Bahr
Bahr-e-Ramal Musamman Mahzuf
Radif
ت
Total Ashaar
9
Total Misra
18
Writer
Sadr-ul-Afazil Maulana Syed Muhammad Naeemuddin Muradabadi
Book
Riyaz-e-Naeem