Hamd
Allah se kya pyar hai Usman-e-Ghani ka
منقبت خلیفۂ سوّم رَضِیَ اللہُ تَعَالٰی عَنْہ
Urdu Kalam
مطلع
اللہ سے کیا پیار ہے عثمانِ غنی کا
محبوبِ خدا یار ہے عثمانِ غنی کا
رنگین وہ رُخسار ہے عثمانِ غنی کا
بلبل گلِ گلزار ہے عثمانِ غنی کا
گرمی پہ یہ بازار ہے عثمانِ غنی کا
اللہ خریدار ہے عثمانِ غنی کا
کیا لعل شکر بار ہے عثمانِ غنی کا
قند ایک نمک خوار ہے عثمانِ غنی کا
سرکار عطا پاش ہے عثمانِ غنی کی
دَربار دُرَر بار ہے عثمانِ غنی کا
دل سوختو ہمت جگر اَب ہوتےہیں ٹھنڈے
وہ سایۂ دیوار ہے عثمانِ غنی کا
جو دل کو ضیا دے جو مقدر کو جِلا دے
وہ جلوۂ دیدار ہے عثمانِ غنی کا
جس آئینہ میں نورِ الٰہی نظر آئے
وہ آئینہ رخسار ہے عثمانِ غنی کا
سرکار سے پائیں گے مرادوں پہ مرادیں
دَربار یہ دُربار ہے عثمانِ غنی کا
آزاد گرفتارِ بلائے دو جہاں ہے
آزاد گرفتار ہے عثمانِ غنی کا
بیمار ہے جس کو نہیں آزارِ محبت
اچھا ہے جو بیمار ہے عثمانِ غنی کا
اللہ غنی حد نہیں انعام و عطا کی
وہ فیض پہ دَربار ہے عثمانِ غنی کا
مقطع
رُک جائیں مرے کام حسنؔ ہو نہیں سکتا
فیضان مددگار ہے عثمانِ غنی کا
Kalam Details
Bahr
Bahr-e-Ramal Musamman Mahzuf
Radif
ا
Total Ashaar
13
Total Misra
26
Writer
Maulana Hasan Raza Khan
Book
Zauq-e-Naat