Manqabat
Allah allah ke nabi se
اللہ اللہ کے نبی سے
Urdu Kalam
مطلع
اللہ اللہ کے نبی سے
فریاد ہے نفس کی بدی سے
دِن بھر کھیلوں میں خاک اُڑائی
لاج آئی نہ ذرّوں کی ہنسی سے
شب بھر سونے ہی سے غرض تھی
تاروں نے ہزار دانت پیسے
ایمان پہ مَوت بہتر او نفس
تیری ناپاک زندگی سے
او شہد نمائے زہر دَر جام
گُم جاؤں کدھر تِری بدی سے
گہرے پیارے پرانے دِل سوز
گزرا میں تیری دوستی سے
تجھ سے جو اٹھائے میں نے صَدمے
ایسے نہ مِلے کبھی کسِی سے
اُف رے خودکام بے مروّت
پڑتا ہے کام آدمی سے
تُو نے ہی کیا خدا سے نادِم
تُو نے ہی کیا خجل نبی سے
کیسے آقا کا حکم ٹالا
ہم مر مِٹے تیری خودسری سے
آتی نہ تھی جب بدی بھی تجھ کو
ہم جانتے ہیں تجھے جبھی سے
حد کے ظالم سِتم کے کٹر
پتھر شرمائیں تیرے جی سے
ہم خاک میں مل چکے ہیں کب کے
نکلا نہ غبار تیرے جی سے
ہے ظالم! میں نباہوں تجھ سے
اللہ بچائے اس گھڑی سے
جو تم کو نہ جانتا ہو حضرت
چالیں چلیے اس اَجنبی سے
اللہ کے سَامنے وہ گن تھے
یاروں میں کیسے متقی سے
رہزن نے لُوٹ لی کمائی
فریاد ہے خضر ہاشمی سے
اللہ کنوئیں میں خود گِرا ہوں
اپنی نالِش کروں تجھی سے
مقطع
ہیں پُشتِ پناہ غوثِ اعظم
کیوں ڈرتے ہو تم رضاؔ کسی سے
Kalam Details
Bahr
Bahr-e-Ramal Musaddas Mahzoof
Radif
ے
Total Ashaar
19
Total Misra
38
Writer
Aala Hazrat Imam Ahmed Raza Khan
Book
Hadaiq-e-Bakhshish
Category
Manqabat
Topics
Ghaus-e-Azam