Rubaiyat
Hain mazhar-e-zaat-e-haq rasool-e-akram
ہیں مظہرِ ذاتِ حق رسولِ اَکرم
Urdu Kalam
مطلع
ہیں مظہرِ ذاتِ حق رسولِ اَکرم
مختار و خلیفۂ خدائے عالم
صرف اُنکے سبب سے سب اُلوالعزم ہوئے
عیسیٰ موسیٰ خلیل و نوح و آدَم
عالم کا اُنہیں خدا نے سلطان کیا
جبریلِ اَمیں کو ان کا دربان کیا
ہر چیز کا اختیار ان کو دے کر
کونین کو حق نے ان کا مہمان کیا
یارب مرے دل میں عشق اپنا دے دے
حُبِّ نبی کا سر میں سودا دے دے
ہے بے سرو سامان جمیلِؔ رَضوی
رہنے کا مَدینے میں ٹھکانا دے دے
سرکار کا فیض زیر و بالا دیکھا
ہر چیز میں نورِ شاہِ والا دیکھا
ہے عرش سے فرش تک اسی کا جلوہ
جب غور کیا مَدینے والا دیکھا
شاہا تری رحمت کا اِشارہ ہوجائے
روشن مرے بخت کا ستارہ ہوجائے
اس صانعِ مطلق کو جو آئی ہے پسند
وہ شکل مری آنکھ کا تارا ہوجائے
بتلائے کوئی نبی کا دیکھا سایہ
سایے کا بھی ہوتا ہے کسی جا سایہ
جب سایۂ نورِ اَزَلی وہ ٹھہرا
پڑتا کیوں کر زمین پر اُس کا سایہ
کیوں حشر سے ڈر جائیں گدایانِ نبی
کیوں قبر میں گھبرائیں گدایانِ نبی
دنیا میں جو ہیں حبیبِ حق کے بندے
تا حشر ہے ان کے سر پہ دامانِ نبی
ہیں کعبۂ کونین رَسول الثقلین
ہیں قبلۂ دارَین نبی الحرمَین
کیوں دونوں جہاں نہ اُن کے دَر پر مانگیں
ہیں قاسم کل شئی جدّالحسنین
کیوں حشر میں بگڑی ہوئی حالت ہوگی
کب اُن کے غلاموں پہ قیامت ہوگی
مقطع
کیا خو ف کریں نارِ جہنم سے جمیلؔ
ہم پر تو وہاں نبی کی رحمت ہوگی
Kalam Details
Bahr
Bahr-e-Ramal Musamman Mahzoof
Radif
م
Total Ashaar
9
Total Misra
36
Writer
Maulana Muhammad Jameel-ur-Rehman Razvi
Book
Qabala-e-Bakhshish
Category
Rubaiyat
Topics
Ishq-e-Rasool
Madina