Raaste Saaf Batate Hain Ke Aap ﷺ Aate Hain

Ahl-e-Dil Geet Yeh Gaate Hain Ke Aap ﷺ Aate Hain
Aankh Reh Reh Ke Uthate Hain Ke Aap ﷺ Aate Hain

Kahkashan Rahguzar Chand Sitare Zarre
Sab Chamak Kar Yeh Dikhate Hain Ke Aap ﷺ Aate Hain

Apne Shahkar Pe Khallaq-e-Do Aalam Ko Hai Naaz
Anbiya Jhoomte Jaate Hain Ke Aap ﷺ Aate Hain

Ahl-e-Eimaan Ke Labon Par Hai Durood Aur Salaam
Yaum-e-Wiladat Manate Hain Ke Aap ﷺ Aate Hain

Dil Ko Jalwon Ki Talab Aankh Ko Taiba Ki Lagan
Dekhiye Mujh Ko Bulate Hain Ke Aap ﷺ Aate Hain

Un Ki Aamad Ke Payami Hain Saba Ke Jhonke
Phool Shaakhon Ko Hilate Hain Ke Aap ﷺ Aate Hain

Bol Baala Hua Haq Ka To Butan-e-Baatil
Khana-e-Kaaba Se Jaate Hain Ke Aap ﷺ Aate Hain

Rahguzar Mein Nazar Aane Lage Har Su Jalwe
Zarre Reh Reh Ke Batate Hain Ke Aap ﷺ Aate Hain

Marhaba Salli Ala Ki Hain Sadain Lab Par
Log Sadqe Hue Jaate Hain Ke Aap ﷺ Aate Hain

Un Ke Jalwon Se Nikharne Lagi Dil Ki Raunaq
Meri Taqdeer Jagate Hain Ke Aap ﷺ Aate Hain