Manqabat
Ho gaya ya ghaus mein barbad hote aap ke
ہوگیا یاغوث میں برباد ہوتے آپ کے
Urdu Kalam
مطلع
ہوگیا یاغوث میں برباد ہوتے آپ کے
رہ گیا میں بے کس و ناشاد ہوتے آپ کے
گھوم پھر کر دیکھا سب دروازے مجھ پر بند ہیں
اب کدھر جاؤں شہِ بغداد ہوتے آپ کے
کربلا والوں کا صدقہ مجھ دُکھی پر رحم کر
اب کہاں جا کر کروں فریاد ہوتے آپ کے
دیس چھوٹا سارے ساتھی چل دیئے منہ موڑ کر
رہ گیا پردیس میں ناشاد ہوتے آپ کے
سیدا بغداد والے یہ مدد کا وقت ہے
مجھ پہ کیسی پڑگئی اُفتاد ہوتے آپ کے
تم سخی ابن سخی ابن سخی ہو ُخسروا
یہ گدا کس کو کرے پھر یاد ہوتے آپ کے
تم شہِ بغداد مولا میں غلامِ خانہ زاد
رنج و غم سے کیوں نہ ُہوں آزاد ہوتے آپ کے
عبدِقادر آپ ہیں ہر شے پہ قادر آپ ہیں
پھر کہوں کس سے پئے اِمداد ہوتے آپ کے
مقطع
آپ کا ارشادِ عالی ہے مُرِیْدِیْ لَا تَخَفْ
رَنج میں ہے سالکِؔ ناشاد ہوتے آپ کے
Kalam Details
Bahr
Bahr-e-Ramal Musamman Mahzuf
Radif
ے
Total Ashaar
9
Total Misra
18
Writer
Mufti Ahmad Yar Khan Naeemi
Book
Diwan-e-Salik
Category
Manqabat
Topics
Ghaus-e-Azam