Naat
Khushbu-e-Dasht-e-Taiba se bas jaye gar dimagh
خوشبوئے دشتِ طیبہ سے بس جائے گر دماغ
Urdu Kalam
مطلع
خوشبوئے دشت ِطیبہ سے بس جائے گر دِماغ
مہکائے بوئے خلد مرا سر بسر دِماغ
پایا ہے پائے صاحب معراج سے شرف
ذَرَّاتِ کوئے طیبہ کا ہے عرش پر دِماغ
مومن فدائے نور و شمیم حضور میں
ہر دِل چمک رہا ہے مُعَطَّر ہے ہر دِماغ
ایسا بسے کہ بوئے گل خلد سے بسے
ہو یادِ نقش پائے نبی کا جو گھر دِماغ
آباد کر خدا کے لئے اپنے نور سے
ویران دِل ہے دل سے زیادہ کھنڈر دِماغ
ہر خارِ طیبہ زینتِ گلشن ہے عندلیب
نادان ایک پھول پر اتنا نہ کر دِماغ
زاہد ہے مستحق کرامت گنہگار
اللہ اکبر اتنا مزاج اس قدر دِماغ
اے عندلیب خارِ حرم سے مثالِ گل
بک بک کے ہرزہ گوئی سے خالی نہ کر دِماغ
بے نور دِل کے واسطے کچھ بھیک مانگتے
ذَرَّاتِ خاکِ طیبہ کا ملتا اگر دِماغ
ہر دَم خیالِ پاک اِقامت گزیں رہے
بن جائے گھر دِماغ نہ ہو رہ گزر دِماغ
شاید کہ وصف پائے نبی کچھ بیاں کرے
پوری ترقیوں پہ رَسا ہو اگر دِماغ
اس بد لگام کو خر دَجَّال جانئے
منہ آئے ذِکر پاک کو سن کر جو خر دِماغ
مقطع
اُن کے خیال سے وہ ملے امن اے حسنؔ
سر پر نہ آئے کوئی بلا ہو سپر دِماغ
Kalam Details
Bahr
Bahr-e-Hazaj Musamman Salim
Radif
غ
Total Ashaar
13
Total Misra
26
Writer
Maulana Hasan Raza Khan
Book
Zauq-e-Naat