Hamd
Hoon jo yaad-e-rukh-e-purnoor mein murghan-e-qafas
ہوں جو یاد رخ پرنور میں مرغان قفس
Urdu Kalam
مطلع
ہوں جو یادِ رُخِ پرنور میں مرغانِ قفس
چمک اُٹھے چہ یوسف کی طرح شانِ قفس
کس بلا میں ہیں گرفتار اَسیرانِ قفس
کل تھے مہمانِ چمن آج ہیں مہمانِ قفس
حیف در چشم زَدن صحبتِ یار آخر ُشد
اب کہاں طیبہ وہی ہم وہی زِندانِ قفس
رُوئے گل سیر ندیدیم و بہار آخر شد
ہائے کیا قہر کیا اُلفتِ یارانِ قفس
نوحہ گر کیوں نہ رہے مرغ خوش الحان چمن
باغ سے دَام ملا دَام سے زِندانِ قفس
پائیں صحرائے مدینہ تو گلستاں مل جائے
ہند ہے ہم کو قفس ہم ہیں اَسیرانِ قفس
زخمِ دِل پھول بنے آہ کی چلتی ہے نسیم
روز اَفزوں ہے بہارِ چمنستانِ قفس
قافلہ دیکھتے ہیں جب سوئے طیبہ جاتے
کیسی حسرت سے تڑپتے ہیں اَسیرانِ قفس
تھا چمن ہی ہمیں زِنداں کہ نہ تھا وہ گل تر
قید پر قید ہوا اور یہ زِندانِ قفس
دشت طیبہ میں ہمیں شکل وطن یاد آئی
بد نصیبی سے ہوا باغ میں اَرمانِ قفس
اب نہ آئیں گے اگر کھل گئی قسمت کی گرہ
اب گرہ باندھ لیا ہم نے یہ پیمانِ قفس
ہند کو کون مدینہ سے پلٹنا چاہے
عیش گلزار بھلا دے جو نہ دورانِ قفس
مقطع
چہچہے کس گل خوبی کی ثنا میں ہیں حسنؔ
نکہت خلد سے مہکا ہے جو زِندانِ قفس
Kalam Details
Bahr
Bahr-e-Hazaj
Radif
س
Total Ashaar
13
Total Misra
26
Writer
Maulana Hasan Raza Khan
Book
Zauq-e-Naat