Hamd
Qafas-e-jism se chhut’tey hi yeh parran hoga
قفس جسم سے چھٹتے ہی یہ پرّاں ہوگا
Urdu Kalam
مطلع
قفسِ جسم سے چھٹتے ہی یہ پَرّاں ہوگا
مرغِ جاں ُگنبدِ خضرا پہ غزل خواں ہوگا
روز و شب مرقدِ اَقدس کا جو نگراں ہوگا
اپنی خوش بختی پہ وہ کتنا نہ نازاں ہوگا
اُس کی قسمت کی قسم کھائیں فرشتے تو بجا
عید کی طرح وہ ہر آن میں شاداں ہوگا
اس کی فرحت پہ تصدق ہوں ہزاروں عیدیں
کب کسی عید میں ایسا کوئی فرحاں ہوگا
چمنِ طیبہ میں تو دل کی کلی کھلتی ہے
کیا مَدینے سے سوا روضۂ رِضواں ہوگا
وہ گلستاں ہے جہاں آپ ہوں اے جانِ جناں
آپ صحرا میں اگر آئیں گلستاں ہوگا
آپ آجائیں جو چمن سے تو چمن جانِ چمن
خاصہ ِاک خاک بسر دشتِ مُغِیلاں ہوگا
جانِ اِیماں ہے محبت تری جانِ جاناں
جس کے دل میں یہ نہیں خاک مسلماں ہوگا
دَردِ فرقت کا مَداوا نہ ہوا اور نہ ہو
کیا طبیبوں سے مرے دَرد کا دَرماں ہوگا
جس نے تبرید بتائی خفقاں ہوگا اُسے
کیا ٹھنڈائی سے علاجِ تپِِِ ہجراں ہوگا
کہربائی نہ ہو کیوں رنگ مرے چہرے کا
جتنا اِیقان بڑھا اتنا ہی ترساں ہوگا
نورِ اِیماں کی جو مَشعَل رہے روشن پھر تو
روز و شب مرقدِ نوریؔ میں چراغاں ہوگا
مقطع
اِک غزل اَور چمکتی سی سنادے نوریؔ
دل جلا پائے گا میرا ترا احساں ہوگا
Kalam Details
Bahr
Bahr-e-Ramal Musamman Mahzoof
Radif
ا
Total Ashaar
13
Total Misra
26
Writer
Al-Madinat-ul-Ilmiyah
Book
Saman-e-Bakhshish