دولتِ عشق سے دل غنی ہے میری قسمت ہے رشکِ سکندرؔ

مدحتِ مصطفیٰ کی بدولت مل گیا ہے مجھے یہ خزینہ

مجھ کو طوفاں کی موجوں کا کیا ڈر یہ گزر جائیں گی رخ بدل کر

ناخدا ہیں مرے جب محمد کیسے ڈوبے گا میرا سفینہ

دل شکستہ ہے میرا تو کیا غم اس میں رہتے ہیں شاہِ دو عالم

جب سے مہماں ہوئے ہیں وہ دل میں، دل مرا بن گیا ہے مدینہ

ہر خطا پر مری چشم پوشی ہر طلب پر عطاؤں کی بارش

مجھ گناہ گار پر کس قدر ہیں مہرباں تاجدارِ مدینہ