Ala Hazrat Imam Ahmed Raza Khan

Jo Khaleel-e-zaar ko a'zaz bakhsha aap ne

Woh bhi hai ik sharmsar-e-nisbat-e-Ahmed Raza

Phoolta phalta rahe ga bagh-e-Marehra mudam

Keh rahi hai yeh bahar-e-barakat-e-Ahmed Raza

Barak-Allah faiz-e-aam-e-Hazrat-e-Achchhe Miyan

Achchhe achchhon ka hai qibla seerat-e-Ahmed Raza

Pheeki pheeki si hai saaqi, subh-o-sham-e-zindagi

Aaye phir gardish mein jam-e-lazzat-e-Ahmed Raza

Iltifat-e-jalwa-e-Ghaus-ul-Wara se munsalik

Rashk-e-sad jalwat hai yani khilwat-e-Ahmed Raza

Lakht-e-dil hai thandi thandi zau se bagh-o-bagh

Mah-e-Taiba ki ziya hai tal'at-e-Ahmed Raza

Noor ankhon ko mila khilwat-gah-e-dil ko suroor

Jab tasawwur ne sanwari soorat-e-Ahmed Raza

Mustafa ki bheeni bheeni nighaton mein tah-ba-tah

Mehki mehki hai faza-e-nikhat-e-Ahmed Raza

Qurb-e-haq ki manzilon mein gum na hon kyun rif'atein

Jalwa-gah-e-Mustafa hai rif'at-e-Ahmed Raza

Saaya-e-qasr-e-dana mein manzilat paya hua

Kitna ooncha hai maqam-e-izzat-e-Ahmed Raza

Allah Allah nau bahar-e-azmat-e-Ahmed Raza

Ghuncha ghuncha hai zaban-e-midhat-e-Ahmed Raza

Hurmat-e-rooh-e-payambar yak nazar kun sooye maa

Peshwa-e-Ahl-e-Sunnat, Sayyidi Ahmed Raza