Istighasa

Hurmat-e-rooh-e-payambar yak nazar kun sooye maa

Peshwa-e-Ahl-e-Sunnat, Sayyidi Ahmed Raza

Akhtar-e-aasi ko nazzara ho Taiba ka naseeb

Murshidi, Aaqa-e-Nemat, Sayyidi Ahmed Raza

Hoon isi dar ka bhikari, hoon isi dar ka ghulam

Kijiyo chashm-e-inayat, Sayyidi Ahmed Raza

Kilk-e-anwar ki jawahir-reeziyon se phir Huzoor

Khol do chashm-e-baseerat, Sayyidi Ahmed Raza

Hum gaye guzre huon ko shan-o-shaukat ho naseeb

Phir ata ho auj-o-rif'at, Sayyidi Ahmed Raza

Hai yeh muddat se pareshan hal maddah-e-habeeb

Ik nazar ae abr-e-rahmat, Sayyidi Ahmed Raza

Aaiye bhatke huon ki rahbarii farmaiye

Khizr-e-rah-e-deen-o-sunnat, Sayyidi Ahmed Raza

Kis se poochhein kaun batlaye, kahan jayen ghulam

Aap ki hai phir zaroorat, Sayyidi Ahmed Raza

Laaiye tashreef turbat se qalam dar kaf Huzoor

Kijiyo tajdeed-e-millat, Sayyidi Ahmed Raza

Al-gharaz koi hamara ab nahin pursan-e-hal

Ae Imam-e-Ahl-e-Sunnat, Sayyidi Ahmed Raza

Tang aakar aaj in himmat-shikan halat se

Dar pe laya hoon shikayat, Sayyidi Ahmed Raza

Dene wale dars-e-nazm-o-zabt hain khud muntasir

Hai alag sab ki jama'at, Sayyidi Ahmed Raza