Madinah

Daulat-e-ishq se dil ghani hai, meri qismat hai rashk-e-Sikandar

Madhat-e-Mustafa ki badaulat mil gaya hai mujhe yeh khazeena

Mujh ko toofan ki maujon ka kya dar, yeh guzar jaayengi rukh badal kar

Nakhuda hain mere jab Muhammad, kaise doobega mera safeena

Dil shikasta hai mera to kya gham, is mein rehte hain Shah-e-Do Aalam

Jab se mehmaan hue hain woh dil mein, dil mera ban gaya hai Madina

Har khata par meri chashm-poshi, har talab par ataon ki baarish

Mujh gunahgaar par kis qadar hain mehrbaan Tajdar-e-Madina

Main ghulam-e-ghulaman-e-Ahmad, main sag-e-aastan-e-Muhammad

Qabil-e-fakhr hai maut meri, qabil-e-rashk hai mera jeena

Mere dil mein hai yaad-e-Muhammad, mere honton pe zikr-e-Madina

Tajdar-e-Haram ke karam se aa gaya zindagi ka qareena

Mein us ke kisi taaq mein rakh aya hoon aankhen

Humraz hai, damsaz hai deewar-e-Madinah

Imshab bhi Riaz aalam-e-roya mein yaqeenan

Barsein ge meri aankh pe anwar-e-Madinah

Sochon ke dar-e-shauq pe dastak do hawao!

Har mor pe ajaye ga bazar-e-Madinah

Har shakhs bharose ke bhi qabil nahi hota

Khulte hain ghulamon hi pe asrar-e-Madinah

Woh aab-e-khunak, thandi khajuran, lab-e-tishna

Kya khoob se bhi khoob hai iftar-e-Madinah

Mahdood hai kab rehmat-e-Aaqa-e-Mukarram

Kaunain ke sardar hain sardar-e-Madinah