Habeeb E Khuda Salam Alaik

Hain tere hamdam o damsaz Jibreel e ameen
Malaika ka ye naghma hai suye arsh e baree'n
Jalees e masnad arsh e ula salam alaik
Rasool e pak Habeeb e khuda salam alaik

Chiragh e deen e ibrahim ki thi lau mad'dham
Utha ke khak se sar keh raha hai ab zamzam
Salam chashma e jood o sakha salam alaik
Rasool e pak Habeeb e khuda salam alaik

Badal diye hain muqaddar tere takallum ne
Hazaron karb mitaye tere tabassum ne
Salam ay shah e har dosra salam alaik
Rasool e pak Habeeb e khuda salam alaik

Na jane bat thi kya teri khaksari main
Sadayen aayi'n ye iewan e Taajdari main
Anees e mahfil e shah o gada Salam alaik
Rasool e pak Habeeb e khuda salam alaik

Badal ke reh gayi fara'n ki chotiyo'n ki hawa
Aza'n ki shakl main gonji Jaha'n main teri sada
Salam daayi e koh e safa salam alaik
Rasool e pak Habeeb e khuda salam alaik

Paikar e sidq o safa salam alaik
Salam shafa e roz e jaza salam alaik
Salam raunaq e ghar e hira salam alaik
Rasool e pak Habeeb e khuda salam alaik