Who wrote Khuda ne jis ke sar par taaj rakkha apni rehmat ka?

Khuda ne jis ke sar par taaj rakkha apni rehmat ka was written by Maulana Muhammad Jameel-ur-Rehman Razvi.

What type of Kalam is Khuda ne jis ke sar par taaj rakkha apni rehmat ka?

Khuda ne jis ke sar par taaj rakkha apni rehmat ka is a Istighasa.

Istighasa

37048 WhatsApp

Urdu Kalam

مطلع

خدا نے جس کے سر پر تاج رکھا اپنی رحمت کا

دُرُود اُس پر ہو وہ حاکم بنا مُلکِ رِسالت کا

وہ ماحی کفر و ظلمت شرک و بدعات و ضلالت کا

وہ حافظ اپنی ملت کا وہ ناصر اپنی اُمت کا

مَداوا کیسے فرمائے کوئی بیمارِ فرقت کا

کہ دِیدارِ نبی مرہم ہے اس دِل کی جراحت کا

اَثر کیا ہوسکے گا مہرِ محشر کی حرارت کا

ہمارے سر پہ ہوگا شامیانہ اُن کی رحمت کا

کبھی دِیدارِ حق ہوگا کبھی نظارہ حضرت کا

ہمیں ہنگامۂ عیدین ہوگا دن قیامت کا

نہ کیوں ہو آشکارا تیرا جلوہ ذَرَّہ ذَرَّہ میں

شہنشاہِ مَدینہ تو ہے پرتو نورِ وَحدت کا

دَمِ آخر سربالیں خرامِ ناز فرماؤ

خدارا حال دیکھو مبتلائے دَردِ فرقت کا

دَمِ آخر سرِبالیں یہ فرماتے ہوئے آؤ

نہ گھبرا خوفِ مرقد سے نہ کر کھٹکا قیامت کا

ہمیں بھی ساتھ لے لو قافلہ والو ذرا ٹھہرو

بہت مدت سے اَرماں ہے مَدینے کی زیارت کا

مری آنکھیں مَدینے کی زِیارت کو تر ستی ہیں

چمک جائے الٰہی اب تو تارا میری قسمت کا

قسم حق کی وہ دن عیدین سے بڑھ کر میں سمجھوں گا