Khuda Ka Fazl Hai Rahmat Hai Barhwein Tareekh

Jalein Wo Jin Ke Muqaddar Mein Aag Likhi Hai
Hamein To Bais-e-Rahmat Hai Barhwein Tareekh

Yeh Roz o Shab Yeh Mah o Saal Jin Ka Sadqa Hain
Inhein Ka Yaum-e-Wiladat Hai Barhwein Tareekh

Wo Subh Jab Ke Habib-e-Khuda Hue Paida
Isi Sahar Ki Alamat Hai Barhwein Tareekh

Khuda Ke Fazl Se Hum Sunniyon Ko Pyari Hai
Sadaton Ki Zamanat Hai Barhwein Tareekh

Wo Rat Jage Wo Nawafil Durood Aur Salaam
Hamare Peeron Ki Sunnat Hai Barhwein Tareekh

Abu Lahab Ko Saza Mein Kami Mile Is Din
Saboot-e-Rutba-e-Nisbat Hai Barhwein Tareekh

Shafee-e-Roz-e-Jaza Jin Ka Wasf Aqdas Hai
Inhein Ki Shaan Ki Shaukat Hai Barhwein Tareekh

Shab-e-Wiladat-e-Ahmad Ki Subh Kya Kahiye
Bahaar-e-Fazl o Fazeelat Hai Barhwein Tareekh

Hamein To Nazmi Sikhaya Yahi Buzurgon Ne
Ke Sunniyon Ki Sadat Hai Barhwein Tareekh