Hamd
Sadqa tum par hoon dil o jaan aamina
صدقہ تم پر ہوں دل و جاں آمنہ
Urdu Kalam
مطلع
صدقہ تم پر ہوں دل و جاں آمنہ
تم نے بخشا ہم کو ایماں آمنہ
جو ملا جس کو ملا تم سے مِلا
دین و ایماں ، علم و عرفاں آمنہ
کل جہاں کی مائیں ہوں تم پر فدا
تم محمد کی بنیں ماں آمنہ
ابن مریم واقعی رب کے رسول
پر محمد کی بڑی شاں آمنہ
جس شکم میں مصطفیٰ ہوں جاگزیں
عرشِ اعظم سے ہے ذیشاں آمنہ
تم سے ایمان و امانت اور اَمن
تم سے فیضاں تم سے عرفاں آمنہ
آمنہ کے تین معنیٰ بالیقیں
باامانت اَمن و ایماں آمنہ
تم سے اللہ و محمد ہیں عیاں
نور ،ہدیٰ ہے تم میں پنہاں آمنہ
ہم ہیں مومن اور تم ایمان بخش
چشمۂ دیں تم سے رواں آمنہ
تیری تربت کا مجاور میں بنوں
پھر نکالوں دل کے ارماں آمنہ
مَہْبِطِ قرآں نبی ہیں اور تم
ہو نبی کی محترم ماں آمنہ
مقطع
ہے یہ سالکؔ آپ کے در کا فقیر
مانگتا ہے امن و ایماں آمنہ
Kalam Details
Bahr
Bahr-e-Ramal Musaddas Mahzoof
Radif
ہ
Total Ashaar
12
Total Misra
24
Writer
Mufti Ahmad Yar Khan Naeemi
Book
Diwan-e-Salik