Ya Muhammad Tamanna-e-Kaun-o-Makaan

Ae muraad-e-zamaan hasrat-e-do jahaan
Hon hazaaron durood o salaam aap par

Aap Shams-ud-Duha, aap Badr-ud-Duja
Aap Kaif-ul-Wara, aap Noor-ul-Huda

Noor bakhsh-e-jahaan taab-e-kaun-o-makaan
Hon hazaaron durood o salaam aap par

Rooh-e-sidq-o-yaqeen, jaan-e-imaan-o-deen
Raahat-e-aarifeen, rehmat-e-aalameen

Dastgeer-e-zamaan, shaafi'-e-be-kasaan
Hon hazaaron durood o salaam aap par

Mash'al-e-saalikaan, manzil-e-aarifaan
Haasil-e-zaakiraan, naazish-e-saadiqaan

Jaan-e-paighambaraan, Khatam-ul-Mursaleen
Hon hazaaron durood o salaam aap par

Sab ke haajat rawa, sab ke mushkil kusha
Sab ke gham ki dawa, sab ke dil ki sada

Ae do aalam ke dil, ae do aalam ki jaan
Hon hazaaron durood o salaam aap par

Keejiye Behzad par ik nigaah-e-karam
Is ko rakhta hai betaab Taiba ka gham