Sunte Hain Keh Mahshar Mein Sirf Un Ki Rasai Hai

Machla Hai Keh Rahmat Ne Umeed Bandhai Hai
Kya Baat Teri Mujrim Kya Baat Banai Hai

Sab Ne Saf-e-Mahshar Mein Lalkar Diya Hum Ko
Ae Be-Kason Ke Aqa Ab Teri Duhai Hai

Yun To Sab Unhin Ka Hai Par Dil Ki Agar Poochho
Yeh Toote Huye Dil Hi Khas Un Ki Kamai Hai

Zair Gaye Bhi Kab Ke Din Dhalne Pe Hai Pyare
Uth Mere Akele Chal Kya Der Lagai Hai

Bazar-e-Amal Mein To Sauda Na Bana Apna
Sarkar Karam Tujh Mein Aibi Ki Samai Hai

Girte Huon Ko Muzhdah Sajde Mein Gire Maula
Ro Ro Ke Shafa'at Ki Tamheed Uthai Hai

Ae Dil Yeh Sulagna Kya Jalna Hai To Jal Bhi Uth
Dam Ghutne Laga Zalim Kya Dhuni Ramai Hai

Mujrim Ko Na Sharmao Ahbab Kafan Dhak Do
Munh Dekh Ke Kya Hoga Parde Mein Bhalai Hai

Ab Aap Hi Sambhalen To Kaam Apne Sambhal Jayen
Hum Ne To Kamai Sab Khelon Mein Ganwai Hai

Ae Ishq Tere Sadqe Jalne Se Chhute Saste
Jo Aag Bujha Degi Woh Aag Lagai Hai

Hirs-o-Hawas-e-Bad Se Dil Tu Bhi Sitam Kar Le
Tu Hi Nahin Be-Ganah Duniya Hi Parai Hai

Hum Dil Jale Hain Kis Ke Hat Fitnon Ke Par Kale
Kyun Phoonk Dun Ik Uf Se Kya Aag Lagai Hai

Taiba Na Sahi Afzal Makkah Hi Bara Zahid
Hum Ishq Ke Bande Hain Kyun Baat Barhai Hai