Shujaat Naaz Karti He Jalalat Naaz Karti Hai

Sadaaqat Naaz Karti Hai Amaanat Naaz Karti Hai
Hamiyyat Naaz Karti Hai Murawwat Naaz Karti Hai

Shah E Khubaan Pai Har Khubi O Khaslat Naaz Karti Hai
Karim Aisai Hain Woh Unn Par Karaamat Naaz Karti Hai

Jahaan E Husn Mai Bhi Kuch Niraali Shaan Hai Unn Ki
Nabi Kai Gul Pai Gulzaaron Ki Zinat Naaz Karti Hai

Shahanshaah E Shahidaan Ho Anokhi Shaan Waalai Ho
Hussain Ibn E Ali Tum Par Shahaadat Naaz Karti Hai

Bithaa Kar Shaana E Aqdas Pai Kardi Shaan Do Baalaa
Nabi Kai Laadlon Par Har Fazilat Naaz Karti Hai

Jabin E Naaz Unn Ki Jalwagaah E Husn Hai Kis Ki
Rukh E Zaibaa Pai Hazrat Ki Malaahat Naaz Karti Hai

Nigaah E Naaz Se Naqsha Badal Daitai Hain Alam Kaa
Adaa'e Sarwar E Khubaan Pai Nudrat Naaz Karti Hai

Fidaa’i Hon Tou Kis Kaa Hon Koi Daikhai Meri Qismat
Qadam Par Jis Hasin Ki Jaan E Tal'at Naaz Karti Hai

Khudaa Kai Fazl Se Akhtar Mai Unn Kaa Naam Laiwaa Hun
Mai Hun Qismat Pai Naazaan Mujh Pai Qismat Naaz Karti Hai

Baagh E Taslim O Razaa Mai Gul Khilaate Hain Hussain
Yaa’ni Hangaam E Musibat Muskuraate Hain Hussain

Barq E Alam Souz Kaa Alam Dikhaate Hain Hussain
Muskuraa Kar Qil'aa Baatil Ka Giraate Hain Hussain