Sar Jhuka Apna Jo Seene Ki Taraf

Leejiye Mujh Neem Bismil Ki Khabar
Hoon Na Marne Ki Na Jeene Ki Taraf

Utthi Hai Jo Mauj-e-Toofaan Bahr Mein
Aati Hai Mere Safeene Ki Taraf

Raub-e-Hazrat Se Nahin Itni Majaal
Sang Dekhe Aabgeene Ki Taraf

Mehr Se Chamka Diya Dekha Agar
Maah Ke Daaghi Nageene Ki Taraf

Bahs Jab Karne Lage Itr-o-Araq
Gul Hue Us Ke Paseene Ki Taraf

Dekhta Tha Aap Ko Abu Jahl Yoon
Jis Tarah Af'a Khazeene Ki Taraf