Salato salaam baargah e khai rul anaam alaihi tahiyyata wassalam

Sab tajwar salam ko hazir hain assalam
Jinn o bashar salam ko hazir hain assalam

Bas ek nigah e lutf shehenshah bahr o bar ki hai
Sab bahr o bar salam ko hazir hain assalam

Sar kham har ek auoj ka hai dar pe aap ke
Sab karro far salam ko hazir hain assalam

Gul hain nisaar qadmon pe kham hai jabeen koh
Sang o shajar salam ko hazir hain assalam

Ay jaan e kayinaat o maqsod e kaiynaat
Sab khushk o tar salam ko hazir hain assalam

Rahat mili hai daman e aalam panah main
Shoridah sar salam ko hazir hain assalam

Hazir hain sab dua o tamanna ke sath sath
Arz o asar salam ko hazir hain assalam

Uth jaye har nigah se ab to har aik hijaab
Ahl e nazar salam ko hazir hain assalam

Charah gar khaleel o masehaye kayinaat
Khasta jigar salam ko hazir hain assalam