Qaflay Ne Su-e-Taiba Kamar Aaraai Ki

Laaj Rakh Li Tama'-e-Afw Ke Sodaai Ki
Ae Main Qurbaan Mere Aaqa Bari Aaqaai Ki

Farsh Ta Arsh Sab Aaeena-e-Zamaair Haazir
Bas Qasam Khaaiye Ummi Teri Daanaai Ki

Shash Jihat Simt-e-Muqabil Shab-o-Roz Ek Hi Haal
Dhoom Wan-Najm Mein Hai Aap Ki Beenaai Ki

Paan Sau Saal Ki Raah Aisi Hai Jaise Do Gaam
Aas Hum Ko Bhi Lagi Hai Teri Shinwaai Ki

Chaand Ishaare Ka Hila Hukm Ka Baandha Sooraj
Waah Kya Baat Shaha Teri Tawaanaai Ki